என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "மத்தியபிரதேச சட்டசபை தேர்தல்"
லக்னோ:
5 மாநில சட்டசபை தேர்தலில் சத்தீஷ்கர், ராஜஸ்தான், மத்திய பிரதேசம், ஆகிய மூன்றில் காங்கிரஸ் ஆட்சியை பிடித்தது. பா.ஜனதாவுக்கு இந்த தேர்தல் மிகப் பெரிய பின்னடைவை ஏற்படுத்தியது.
மத்திய பிரதேசம், சத்தீஷ்கர் மாநிலங்களில் 15 ஆண்டுகளுக்கு பிறகு காங்கிரஸ் வெற்றி பெற்றது மிகவும் சிறப்பான ஒன்றாகும். இந்த 3 மாநிலங்களிலும் பா.ஜனதாவிடம் இருந்து அந்த கட்சி ஆட்சியை பறித்தது. காங்கிரஸ் கட்சியின் இந்த அமோக வெற்றியால் பகுஜன் சமாஜ் கட்சி தலைவர் மாயாவதி மனமாற்றம் அடைந்துள்ளார்.
5 மாநில தேர்தலில் மாயாவதி காங்கிரசுடன் கூட்டணி வைக்காமல் போட்டியிட்டார். டெல்லியில் நடந்த எதிர்க் கட்சி தலைவர்கள் கூட்டத்திலும் அவர் கலந்து கொள்ள வில்லை.
சத்தீஷ்கரில் அஜித்ஜோகி கட்சியுடன் கூட்டணி அமைத்து மாயாவதி 7 தொகுதிகளில் வெற்றி பெற்றார். மத்திய பிரதேசத்தில் 2 இடங்களிலும், ராஜஸ்தானில் 6 தொகுதியிலும், தெலுங்கானாவில் 1 இடத்திலும் பகுஜன் சமாஜ்கட்சி வெற்றி பெற்றது.
சத்தீஷ்கர், ராஜஸ்தானில் மாயாவதியால் காங்கிரசுக்கு எந்த பாதிப்பும் ஏற்பட வில்லை. இதனால் காங்கிரசின் இந்த வெற்றியை அவர் பெரிதாக கருதுகிறார். இதனால் அந்த கட்சியுடன் கூட்டணி அமைப்பது என்று முடிவு செய்துள்ளார்.
மத்திய பிரதேசத்தில் காங்கிரஸ் ஆட்சி அமைக்க ஆதரவு அளிப்பதாக மாயாவதி இன்று அறிவித்தார். ராஜஸ்தானிலும் தேவை ஏற்பட்டால் ஆதரவு அளிக்க போவதாக தெரிவித்தார்.
இதன் மூலம் 2019-ம் ஆண்டு நடைபெறும் பாராளுமன்ற தேர்தலில் அவர் காங்கிரசுடன் இணைந்து செயல்படுவதில் உறுதி ஏற்பட்டுள்ளது. மாயாவதிக்கு பல மாநிலங்களில் செல்வாக்கு இருப்பதால் பா.ஜனதாவுக்கு எதிராக காங்கிரஸ் உருவாக்கும் அணியில் கூடுதல் பலமாக அமையும் எள்பதில் சந்தேகமில்லை.
அகிலேஷ் யாதவின் சமாஜ்வாடியும் பா.ஜனதாவுக்கு எதிராக உள்ள கட்சியாகும். ஆனால் அவர் டெல்லியில் சமீபத்தில் நடந்த எதிர்க்கட்சிகள் கூட்டத்தில் கலந்து கொள்ளவில்லை.
இதற்கிடையே மத்திய பிரதேசத்தில் காங்கிரசுக்கு ஆதரவு அளிப்பதாக அகிலேஷ் யாதவும் அறிவித்துள்ளார்.
இதனால் பாராளு மன்ற தேர்தலில் உத்தர பிரதேசத்தில் சமாஜ்வாடி பகுஜன் சமாஜ், காங்கிரஸ் ஆகிய 3 கட்சிகளும் இணைந்து மெகா கூட்டணி அமைத்து பா.ஜனதாவை எதிர்க்கும்.
உத்தரபிரதேச மாநிலத்தில் நடந்த இடைத் தேர்தல்களில் மாயாவதியும், அகிலேசும் இணைந்து பா.ஜனதாவை ஏற்கனவே வீழ்த்தி இருந்தனர். 2019 பாராளுமன்ற தேர்தலில் பா.ஜனதாவுக்கு எதிராக எதிர்க்கட்சிகளை ஒன்று இணைக்கும் பணியில் ராகுல் காந்தி, சந்திர பாபு நாயுடு ஆகியோர் ஈடுபட்டுள்ளனர். இந்த அணியில் பல கட்சிகள் இருக்கும் நிலையில் மாயாவதியும், அகிலேஷ்யாதவும் இணைய இருப்பது கூடுதல் பலத்தை ஏற்படுத்தும். #mayawati #congressparty #electionvictory
மத்திய பிரதேச மாநில சட்டமன்றத் தேர்தலில் காங்கிரஸ் கட்சி 114 இடங்களில் வெற்றி பெற்று தனிப்பெரும் கட்சியாக உள்ளது. பாஜக 109 இடங்களிலும், சமாஜ்வாடி கட்சி 1 இடத்திலும், பகுஜன் சமாஜ் கட்சி 2 இடங்களிலும் வெற்றி பெற்றுள்ளன. சுயேட்சைகள் 4 தொகுதிகளில் வென்றுள்ளனர்.
பாஜக ஆட்சியை இழந்துள்ள நிலையில், முதல்வர் சிவராஜ் சிங் சவுகான் இன்று மதியம் ஆளுநர் மாளிகைக்கு சென்றார். அங்கு ஆளுநரை சந்தித்து ராஜினாமா கடிதம் கொடுத்தார்.
பின்னர் செய்தியாளர்களை சந்தித்த சவுகான், ‘நான் இப்போது சுதந்திரமாக இருக்கிறேன். ஆளுநரிடம் ராஜினாமா கடிதம் கொடுத்துள்ளேன். பாஜகவின் தோல்விக்கு நான் பொறுப்பு ஏற்கிறேன். கமல் நாத்துக்கு என் வாழ்த்துக்கள்’ என கூறினார். #MadhyaPradeshElections2018 #Mayawati #BSPSupportCongress
மத்திய பிரதேச மாநில சட்டமன்றத் தேர்தலில் காங்கிரஸ் கட்சி 114 இடங்களில் வெற்றி பெற்று தனிப்பெரும் கட்சியாக உள்ளது. பாஜக 109 இடங்களிலும், சமாஜ்வாடி கட்சி 1 இடத்திலும், பகுஜன் சமாஜ் கட்சி 2 இடங்களிலும் வெற்றி பெற்றுள்ளன. சுயேட்சைகள் 4 தொகுதிகளில் வென்றுள்ளனர்.
இந்நிலையில், மத்திய பிரதேசத்தில் காங்கிரஸ் ஆட்சியமைக்க பகுஜன் சமாஜ் கட்சி ஆதரவு அளிக்க தயாராக இருப்பதாக அக்கட்சியின் தலைவர் மாயாவதி அறிவித்துள்ளார்.
“மக்கள் பாஜகவுக்கு எதிராக இருப்பதையே சத்தீஸ்கர், ராஜஸ்தான், மத்திய பிரதேச தேர்தல் முடிவுகள் காட்டுகின்றன. காங்கிரஸ் கட்சியின் கொள்கைகள் பலவற்றில் எங்களுக்கு உடன்பாடு இல்லாதபோதிலும், மத்திய பிரதேசத்தில் அவர்களுக்கு ஆதரவு கொடுக்க ஒப்புக்கொண்டோம். தேவைப்பட்டால் ராஜஸ்தானிலும் காங்கிரசுக்கு ஆதரவு அளிக்க தயாராக இருக்கிறோம்” என்று மாயாவதி கூறினார்.
இதற்கிடையே, மத்திய பிரதேசத்தில் ஆட்சியமைக்கும்படி காங்கிரஸ் கட்சிக்கு ஆளுநர் ஆனந்திபென் படேல் அழைப்பு விடுத்துள்ளார். இதையடுத்து, காங்கிரஸ் தலைவர்கள் இன்று மதியம் அவரை சந்தித்து ஆட்சியமைக்க உரிமை கோர உள்ளனர். #MadhyaPradeshElections2018 #Mayawati #BSPSupportCongress
மத்திய பிரதேசம், ராஜஸ்தான், சத்தீஸ்கர், மிசோரம், தெலுங்கானா ஆகிய ஐந்து மாநில சட்டமன்றத் தேர்தலில் பாஜக கடும் பின்னடைவை சந்தித்துள்ளது.
ராஜஸ்தான் மற்றும் சத்தீஸ்கரில் ஆட்சியை இழந்த பாஜக, 230 தொகுதிகள் கொண்ட மத்திய பிரதேசத்தில் காங்கிரசைவிட 5 தொகுதிகள் மட்டுமே குறைவாக பெற்றுள்ளது. காங்கிரஸ் கட்சி 114 இடங்களில் வெற்றி பெற்றுள்ளது. பாஜக 109 இடங்களிலும், சமாஜ்வாடி கட்சி 1 இடத்திலும், பகுஜன் சமாஜ் கட்சி 2 இடங்களிலும் வெற்றி பெற்றுள்ளன. சுயேட்சைகள் 4 தொகுதிகளில் வென்றுள்ளனர்.
இந்த மாநிலத்தில் பாஜக தோல்வியடைந்தபோதும் வாக்குகள் அடிப்படையில் காங்கிரசை முந்தி உள்ளது. காங்கிரஸ் கட்சி 1 கோடியே 55 லட்சத்து 95 ஆயிரத்து 153 வாக்குகள் (40.9 சதவீதம்) பெற்றுள்ளது. பாஜக 1 கோடியே 56 லட்சத்து 42 ஆயிரத்து 980 வாக்குகள் (41 சதவீதம்) பெற்றுள்ளது. சுயேட்சை வேட்பாளர்கள் 5.8 சதவீதம், அதாவது 22 லட்சத்து 18 ஆயிரத்து 230 வாக்குகள் பெற்றுள்ளனர்.
இதேபோல் சத்தீஸ்கரில் பாஜக 33 சதவீத வாக்குகளை பெற்றுள்ளது. காங்கிரஸ் கட்சி 43 சதவீத வாக்குகளை பெற்று ஆட்சியைப் பிடித்துள்ளது. ராஜஸ்தானில் பாஜக 38.8 சதவீத வாக்குகளும், காங்கிரஸ் 39.3 சதவீத வாக்குகளும் பெற்றுள்ளன. தெலுங்கானா (7 சதவீதம்) மற்றும் மிசோரம் (8 சதவீதம்) ஆகிய மாநிலங்களில் பாஜக மிக குறைந்த அளவிலேயே வாக்குகள் பெற்றுள்ளது. #MadhyaPradeshElections2018 #BJPVoteBank
பாராளுமன்றத் தேர்தலுக்கு முன்னோட்டமாக கருதப்பட்ட 5 மாநில சட்டமன்றத் தேர்தலில் பதிவான வாக்குகள் நேற்று எண்ணப்பட்டன. இதில், 230 இடங்களை கொண்ட பெரிய மாநிலமான மத்திய பிரதேச மாநிலத்தில் எதிர்க்கட்சியான காங்கிரஸ் தொடர்ந்து முன்னிலை பெற்று வந்தது. ஆளும் பாஜகவும் சிறிய எண்ணிக்கை வித்தியாசத்தில் பின்தொடர்ந்தது.
ஆட்சியமைக்க 116 இடங்கள் தேவை என்ற நிலையில் நேற்று இரவு நிலவரப்படி காங்கிரஸ் 115 இடங்களில் வெற்றி பெற்றதாக தெரியவந்தது. ஆளும் பா.ஜனதாவுக்கு 108 இடங்கள் கிடைத்தன. மாயாவதியின் பகுஜன் சமாஜ் கட்சி 2 தொகுதிகளில் வெற்றி பெற்றது. பிற கட்சிகள் மற்றும் சுயேட்சைகள் 5 தொகுதிகளில் வெற்றி பெற்றனர். காங்கிரஸ் மெஜாரிட்டியை நெருங்கியபோதும் ஆட்சி அமைப்பதில் இழுபறி ஏற்பட்டது.
இந்நிலையில், மத்திய பிரதேச மாநில தேர்தல் இறுதி முடிவுகளை தேர்தல் ஆணையம் இன்று காலை அறிவித்துள்ளது. அதில், காங்கிரஸ் கட்சி 114 இடங்களில் வெற்றி பெற்றதாக அறிவிக்கப்பட்டுள்ளது. பாஜக 109 இடங்களிலும், சமாஜ்வாடி கட்சி 1 இடத்திலும், பகுஜன் சமாஜ் கட்சி 2 இடங்களிலும் வெற்றி பெற்றுள்ளன. சுயேட்சைகள் 4 தொகுதிகளில் வென்றுள்ளனர்.
புதுடெல்லி:
அகில இந்திய பாரதிய ஜனதா தலைவர் அமித் ஷா ஆங்கில பத்திரிகைக்கு பேட்டி அளித்துள்ளார். அதில் அவர் கூறியிருப்பதாவது:-
தற்போது சட்டசபை தேர்தல் நடக்கும் மத்திய பிரதேசம், ராஜஸ்தான், சத்தீஸ்கர் ஆகில மாநிலங்களில் நாங்கள் மீண்டும் வெற்றி பெறுவோம். அங்கு ஆட்சியில் இருக்கும் எங்களுக்கு கடும் சவால் நிலவுவதாக சொல்வது தவறானது.
ஆனால் நிலைமை அப்படியல்ல. தேர்தல் முடிவு டிசம்பர் 11-ந்தேதி வரும்போது 3 மாநிலத்திலும் நாங்கள் ஆட்சியை கைப்பற்றி இருப்போம். இதன் மூலம் பிரதமர் நரேந்திர மோடியின் செல்வாக்கு மேலும் உயர்ந்து வலுவாகும்.
மக்களின் அமோக ஆதரவுடன் 2019 பாராளுமன்ற தேர்தலில் அதிக எண்ணிக்கையில் பா.ஜ.க. வெற்றி பெற்று நரேந்திர மோடி மீண்டும் பிரதமராக வருவார்.
ஒரு மாநிலத்தில் அரசு நடந்து கொண்டிருந்தால் ஆதரவும் இருக்கும், எதிர்ப்பும் இருக்கும். ஆனால் எதிர்ப்பை மட்டும் பத்திரிகைகள் வெளிப்படுத்தி காட்டுவதை வழக்கமாக கொண்டுள்ளன. குஜராத் மாநிலத்திலேயே இதை பார்த்திருப்பீர்கள்.
மத்தியபிரதேசம், சத்தீஸ்கர் ஆகிய மாநிலங்களில் நாங்கள் 15 ஆண்டுகளாக தொடர்ந்து ஆட்சியில் இருக்கிறோம். ஏராளமான வளர்ச்சி திட்டங்களை அங்கு நிறைவேற்றி இருக்கிறோம். 129 நலத்திட்டங்கள் நிறைவேற்றப்பட்டு இருக்கின்றன.
நாங்கள் செய்துள்ள வளர்ச்சி திட்டங்களே எங்களுக்கு மக்களிடம் வலுவான அடித்தளத்தை ஏற்படுத்தி கொடுத்துள்ளது.
அரசுக்கு எதிர்ப்பு இருப்பதாக இப்போது தான் சிலர் பேசுகிறார்கள். இதேபோலத்தான் குஜராத் தேர்தலிலும் சொன்னார்கள். ஆனால் அங்கு நாங்கள் தனி மெஜாரிட்டியுடன் வெற்றி பெற்றோம். அதற்கு நாங்கள் செய்த திட்டங்கள் தான் காரணம். அதேபோல இந்த மாநிலங்களிலும் எங்களுடைய திட்டங்கள் வெற்றியை தேடித்தரும்.
மாநில தேர்தல் முடிவின் தாக்கம் பாராளுமன்றத்தில் எதிரொலிக்கும் என்று சொல்வது சரியான வாதம் அல்ல. மாநில தேர்தல் என்பது அங்குள்ள சூழ்நிலைகளை பொறுத்து, அங்குள்ள பிரச்சினைகளை மையமாக வைத்து நடப்பதாகும்.
எனவே அதன் தாக்கக்தை பாராளுமன்றத்தில் எதிர் பார்க்க முடியாது. எங்கள் கட்சியை பொறுத்தவரை கூட்டு அரசியல் முறையில் பணியாற்றி வருகிறோம். நாங்கள் செய்த திட்டங்கள், எதிர்கால பணிகள் மூலம் 2019 தேர்தலிலும் சிறப்பான வெற்றியை பெறுவோம். மக்கள் மத்தியில் எங்களுக்கு நல்ல செல்வாக்கு இருக்கிறது.
2014 பாராளுமன்ற தேர்தலுக்கு பிறகு தொடர்ந்து பல மாநிலங்களிலும் நாங்கள் வெற்றி பெற்றிருக்கிறோம். உத்தரபிரதேசம், மராட்டியம், அரியானா என பல மாநிலங்களில் ஆட்சியை கைப்பற்றி இருக்கிறோம்.
இப்போது நடக்கும் 5 மாநில தேர்தல்களும் எங்களுக்கு முக்கியமானது தான். இதிலும் சிறப்பான வெற்றி கிடைக்கும்.
அயோத்தியில் ராமர் கோவில் கட்ட சட்டம் இயற்ற வேண்டும் என்று விசுவ இந்து பரிஷத், ஆர்.எஸ்.எஸ். அமைப்புகள் கோரிக்கை விடுத்துள்ளன. ஆனாலும் சட்டத்தை உருவாக்க வேண்டும் என்ற எண்ணம் எங்களுக்கு இல்லை. பெரிய அளவிலான ராமர் கோவில் கட்ட வேண்டும் என்பது எங்களது உறுதியான எண்ணம் நோக்கம் ஆகும். இதில் வேறு எந்த சமரசத்துக்கும் நாங்கள் தயாராக இல்லை.
அதே நேரத்தில் இது சம்பந்தமான வழக்கு சுப்ரீம் கோர்ட்டில் நிலுவையில் உள்ளது. ஜனவரி மாதம் மீண்டும் வழக்கு விசாரணைக்கு வர இருக்கிறது. நிச்சயம் ராமர் கோவில் கட்டுவதற்கு ஆதரவாக தீர்ப்பு வழங்குவார்கள் என்று எதிர்பார்க்கிறோம். அதுவரை காத்திருப்போம்.
இது 9 ஆண்டுகளாக நிலுவையில் உள்ள வழக்கு. ஆனால் காங்கிசார் இந்த வழக்கை மீண்டும் நீடிக்க வேண்டும் என்று நினைக்கிறார்கள். 2019 பாராளுமன்ற தேர்தலுக்கு பிறகு வழக்கை மீண்டும் விசாரிக்க வேண்டும் என்று காங்கிரஸ் தலைவர் கபில்சிபில் கூறியிருக்கிறார். அவர்கள் தான் வழக்கை தள்ளிப்போட வேண்டும் என்று விரும்புகிறார்கள்.
இந்த விஷயத்தில் காங்கிரஸ் கட்சி தவறான தகவல்களை பரப்பி வருகிறது. சிவசேனாவை பொறுத்தவரை அது தனி கட்சி. நாங்கள் கூட்டணியில் இருக்கிறோம். இந்த விஷயத்தில் எங்களுக்குள் மோதல் போக்கு எதுவும் இல்லை.
2014 பாராளுமன்ற தேர்தலுக்கு பிறகு 22 மாநிலங்களில் நடந்த தேர்தல்களில் 21 மாநிலங்களில் காங்கிரசை மக்கள் நிராகரித்து விட்டார்கள். தற்போது காங்கிரஸ் கட்சியினர் நாங்கள் கொண்டுள்ள இந்துத்வா கொள்கைகளை பின்பற்ற தொடங்கி இருக்கிறார்கள். அதன்மூலம் அரசியல் ஆதாயம் தேட பார்க்கிறார்கள்.
நாங்கள் தேர்தல் காலத்தில் மட்டும் இந்த கொள்கைகளை பின்பற்றுபவர்கள் அல்ல. காங்கிரஸ் முத்த தலைவர்கள் கமல்நாத், ஜி.பி. ஜோஷி போன்றவர்கள் ஜாதி ரீதியாகவும், மத ரீதியாகவும் கருத்துக்களை கூறி அரசியல் ஆதாயத்தை பெற முயற்சிக்கிறார்கள்.
தற்போது காங்கிரஸ் தலைவர்கள் பலர் மலிவான விமர்சனங்களை முன்வைக்கிறார்கள். பிரதமர் நரேந்திரமோடி, உமாபாரதி போன்றவர்கள் பற்றி மோசமான விமர்சனங்களை செய்கிறார்கள். நாங்கள் அவர்களுடைய வாரிசு அரசியல், ஜாதி அரசியலை தடுப்பதால் எங்கள் மீது ஆத்திரம் அடைந்து இது போன்று நடந்து கொள்கிறார்கள்.
காங்கிரஸ் தலைவர்கள் மோடியின் தாயாரை பற்றி விமர்சித்தது மிகவும் தவறானது. கடுமையாக கண்டிக்கக் கூடியது.
நாங்கள் ஒருபோதும் ஜாதி, மத அரசியலை முன்வைப்பது இல்லை. அனைத்து தரப்பு மக்களுக்கும் நன்மை கிடைக்கும் வகையில் தான் செயலாற்றி வருகிறோம். எனவே அனைத்து தரப்பு மக்களும் எங்களுக்கு ஆதரவாக இருப்பார்கள்.
தெலுங்கானா மாநிலத்தில் நாங்கள் சட்டமன்ற தேர்தலில் வலுவாக போட்டியிடுகிறோம். இதனால் தெலுங்கானா அரசை விமர்சிக்கிறோம். பாராளுமன்ற தேர்தல் என வரும்போது, தெலுங்கானா ராஷ்ட்ரிய சமீதி கட்சி எங்களை ஆதரிக்க வேண்டும். இல்லை என்றால் எதிர்க்க வேண்டும்.
மாநில தேர்தலும், பாராளுமன்ற தேர்தலும் வெவ்வேறு சூழ்நிலைகளை கொண்டது.
ரபேல் விமான ஊழல் தொடர்பாக ராகுல்காந்தி தொடர்ந்து அப்பட்டமான பொய் தகவல்களை கூறி வருகிறார். இதனால் பிரதமர் மோடியின் செல்வாக்குக்கு எந்த வகையிலும் பாதிப்பு ஏற்படாது. அங்கு என்ன நடந்தது என்பது பற்றிய நாங்கள் சீலிட்ட கடிதத்தை சுப்ரீம் கோர்ட்டில் தாக்கல் செய்திருக்கிறோம்.
எங்களை எதிர்ப்பதற்கு எந்த பிரச்சினையும் கையில் இல்லாததால் இதையே திரும்ப, திரும்ப கூறிக் கொண்டிருக்கிறார்.
சி.பி.ஐ. மற்றும் ரிசர்வ் வங்கி விவகாரத்தில் மத்திய அரசு தலையிடுவதாக சந்திரபாபு நாயுடு, மம்தா பானர்ஜி போன்றவர்கள் குற்றம்சாட்டுவது தவறு. சி.பி.ஐ.யில் 2 அதிகாரிகள் தங்களுக்குள் மோதிக் கொண்டார்கள். இந்த சூழ்நிலையில் மத்திய அரசு தலையிட வேண்டிய நிலை ஏற்பட்டது. அந்த விவகாரம் தற்போது மத்திய கண்காணிப்பு ஆணையத்திடம் ஒப்படைக்கப்பட்டுள்ளது.
ரிசர்வ் வங்கி விவகாரத்தை பொறுத்தவரை ரிசர்வ் வங்கி சட்ட விதிகள் படி சட்ட திட்டங்களுக்கு உட்பட்டு ஆலோசனைகள் நடத்தப்பட்டது. இதற்காக மத்திய அரசு தலையிட்டதாக கூறுவது தவறு. தன்னிச்சையாக செயல்படும் அவற்றின் மீது மத்திய அரசு தனது அதிகாரத்தை பயன்படுத்தவில்லை.
காஷ்மீர் மாநில சட்டசபையை கலைத்தது கவர்னர் எடுத்த முடிவு. அங்கு குதிரை பேரம் நடந்ததால் கவர்னர் இந்த முடிவை எடுத்து இருக்கிறார். மக்கள் ஜனநாயக கட்சி ஆட்சி அமைக்க உரிமை கோரியது. ஆனால் அவர்களுக்கு யார் ஆதரவு கொடுக்கிறார்கள் என்ற விவரத்தை கூட குறிப்பிடவில்லை. அதற்கான கடிதமும் கொடுக்கப்படவில்லை.
இவ்வாறு அமித் ஷா கூறினார். #AmitShah #BJP
மத்திய பிரதேச மாநிலத்தில் 28-ந்தேதி சட்டசபை தேர்தல் நடக்க உள்ளது. அங்கு தொடர்ந்து 15 ஆண்டுகளாக பா.ஜனதா கட்சியின் ஆட்சி நடந்து வருகிறது. இந்த முறை அந்த ஆட்சியை வீழ்த்தி, வெற்றி பெற்றே ஆக வேண்டும் என்று காங்கிரஸ் கட்சி கங்கணம் கட்டிக்கொண்டு தீவிர பிரசாரத்தில் ஈடுபட்டு வருகிறது.
இந்த நிலையில் அங்கு சாகர் மற்றும் தாமோ ஆகிய இடங்களில் நடந்த பொதுக்கூட்டங்களில் காங்கிரஸ் கட்சி தலைவர் ராகுல் காந்தி பிரசாரம் செய்தார். அவர் பிரதமர் மோடியை ஆவேசமாக தாக்கினார். அப்போது அவர் கூறியதாவது:-
2014-ம் ஆண்டு நடந்த பாராளுமன்ற தேர்தலின்போது, வெளிநாடுகளில் இந்தியர்கள் குவித்துள்ள கருப்பு பணத்தை இங்கே மீட்டு வந்து எல்லோரின் வங்கிக்கணக்கிலும் ரூ.15 லட்சம் டெபாசிட் செய்யப்படும் என்று மோடி வாக்குறுதி வழங்கி பிரசாரம் செய்தார்.
அதுமட்டுமின்றி, ஆண்டுக்கு 2 கோடிப்பேருக்கு வேலை வாய்ப்பு வழங்கப்படும் என்றும் அவர் பிரசாரம் செய்தார்.
ஆனால் சொன்னபடி செய்யாமல் அவர் மக்களுக்கு துரோகம் செய்து விட்டார்.
அடுத்த ஆண்டு நடக்க உள்ள பாராளுமன்ற தேர்தலில் தோல்வி அடைந்து விடுவோம் என்று மோடிக்கு பயம் வந்து விட்டது. அதனாலேதான், அவர் மனதில் காங்கிரஸ் கட்சிக்கு எதிராக வெறுப்புணர்வு ஏற்பட்டுள்ளது.
மத்திய பிரதேச முதல்-மந்திரி சிவராஜ்சிங் சவுகான் கண்ணியமாக பேசுகிறார். அவர் ஊழலில் ஈடுபட்டிருந்தாலும், எங்களுக்கு எதிராக எதையும் சொன்னால்கூட அவர் கண்ணியமாகப் பேசுகிறார்.
அந்த கண்ணியம் மோடியிடம் இல்லாததால்தான், காங்கிரசையும், எனது குடும்ப உறுப்பினர்களையும் தாக்குகிறார். ஆனால் நான் எப்போதும் கண்ணியமாகத்தான் பேசுவேன்.
மோடியின் பேச்சை நீங்கள் கேட்டால், அவர் தவறான வார்த்தைகளை பயன்படுத்துவதையும், வெறுப்புணர்வுடன் பேசுவதையும் கேட்க முடியும். அவர் பொய் பேசுகிறார். அவர் மீது மக்களும், இளைய தலைமுறையினரும் வைத்திருந்த நம்பிக்கை போய் விட்டது.
மோடி பொய் பேசுகிறார் என்று இப்போது மக்களே சொல்கிறார்கள்.
இவ்வாறு அவர் கூறினார். #RahulGandhi #Congress
புதுடெல்லி:
மத்தியபிரதேச மாநிலத்தில் சிவ்ராஜ் சிங் சவுகான் தலைமையில் பா.ஜனதா ஆட்சி நடைபெற்று வருகிறது.
230 தொகுதிகளை கொண்ட அம்மாநிலத்துக்கு வருகிற 28-ந்தேதி ஒரே கட்டமாக சட்டசபை தேர்தல் நடக்கிறது.
2003-ம் ஆண்டில் இருந்து பா.ஜனதா மத்தியபிரதேசத்தில் ஆட்சி செய்து வருகிறது. அந்த கட்சி தொடர்ந்து ஆட்சியை தக்கவைத்துக் கொள்ளும் ஆர்வத்தில் உள்ளது. 15 ஆண்டுகளுக்கு பிறகு அங்கு ஆட்சியை கைப்பற்றும் வேட்கையில் காங்கிரஸ் உள்ளது.
இந்த நிலையில் பா.ஜனதா தனது முதல் வேட்பாளர் பட்டியலை வெளியிட்டுள்ளது. 177 தொகுதிகளுக்கு வேட்பாளர்கள் அறிவிக்கப்பட்டுள்ளது.
தற்போதைய எம்.எல்.ஏ.க் கள் 35 பேருக்கு டிக்கெட் கொடுக்காமல் பா.ஜனதா அதிரடி முடிவை எடுத்தது.
ஹர்ஷ்சிங், கவுரிசங்கர் உள்ளிட்ட 3 மந்திரிகளுக்கும் கட்சி மேலிடம் டிக்கெட் கொடுக்கவில்லை. அதே நேரத்தில் நீக்கப்பட்ட 2 மந்திரிகளுக்கு பதிலாக அவர்களது மகன்களுக்கு சீட் வழங்கி உள்ளது.
பா.ஜனதா எம்.பி.க்களாக இருக்கும் மனோகர்சிங் உந்த்வால், நாகேந்திரசிங் ஆகிய இருவரும் வேட்பாளர்களாக அறிவிக்கப்பட்டு உள்ளனர்.
2-வது கட்ட வேட்பாளர் பட்டியலிலும் சில எம்.எல்.ஏ.க்கள் நீக்கப்படுவார்கள் என்று பா.ஜனதா வட்டாரங்கள் தெரிவித்துள்ளன. #BJP #MadhyaPradeshelection
ராய்ப்பூர்:
மத்திய பிரதேசத்தில் இருந்து சத்தீஷ்கர் மாநிலம் 2000-ம் ஆண்டு உருவானது. அம்மாநிலத்தின் முதல்- மந்திரி பொறுப்பை முதலில் வகித்தவர் அஜித் ஜோகி.
கட்சி விரோத நடவடிக்கையில் ஈடுபட்டதாக கூறி அஜித் ஜோகியும், அவரது மகன் அமித் ஜோகியும் காங்கிரஸ் கட்சியை விட்டு 6 ஆண்டுகளுக்கு முன்பு நீக்கப்பட்டனர்.
இதை தொடர்ந்து அவர் 2016-ம் ஆண்டு ஜனதா காங்கிரஸ் சத்தீஷ்கர் (ஜே.சி.சி.) என்ற கட்சியை தொடங்கினார்.
முன்னாள் முதல்-மந்திரியான அஜித் ஜோகியின் குடும்பத்தினர் 4 பேர் 3 கட்சிகள் சார்பில் வர இருக்கும் சட்டசபை தேர்தலில் போட்டியிடுகிறார்கள். 90 தொகுதிகளை கொண்ட சத்தீஷ்கர் சட்டசபைக்கு இரண்டு கட்டங்களாக நவம்பர் 12 மற்றும் 20-ந் தேதிகளில் தேர்தல் நடக்கிறது.
அஜித் ஜோகியின் மனைவி ரேணு தற்போது காங்கிரஸ் எம்.எல்.ஏ.வாக இருக்கிறார். அவர் காங்கிரசில் இருந்து விலகி தனது கணவர் கட்சியில் சேர மறுத்துவிட்டார்.
ஹோண்டா தொகுதியில் மீண்டும் போட்டியிட டிக்கெட் கேட்டுள்ளார். அவர் காங்கிரஸ் வேட்பாளராக மீண்டும் நிறுத்தப்படுகிறார்.
அஜித் ஜோகியின் மருமகள் ரிச்சா. அவர் தனது மாமனாரின் கட்சியில் இருந்து விலகி பகுஜன் சமாஜ் கட்சியில் இணைந்து உள்ளார். பகுஜன் சமாஜ் கட்சியின் வேட்பாளராகவும் அவர் நிறுத்தப்பட்டுள்ளார். அகல்தரா தொகுதியில் ரிச்சா போட்டியிடுகிறார்.
அஜித் ஜோகியும், அவரது மகன் அமித்தும் ஜனதா காங்கிரஸ் சத்தீஷ்கர் கட்சி சார்பில் போட்டியிட உள்ளனர்.
இதில் அஜித் ஜோகி போட்டியிடுவாரா? என்பது இன்னும் உறுதியாகவில்லை. அஜித் ஜோகி குடும்பத்தில் 4 பேர் 3 கட்சிகளில் உள்ளனர். அவர்கள் தேர்தல் களத்தில் நிற்கிறார்கள்.
மாயாவதியின் பகுஜன் சமாஜ் கட்சியுடன் அஜித் ஜோகி கூட்டணி அமைத்து போட்டியிகிறார். ஜனதா காங்கிரஸ் சத்தீஷ்கர் கட்சி 55 தொகுதிகளிலும், பகுஜன் சமாஜ் 33 இடங்களிலும் போட்டியிடுகின்றன. #AssemblyElection
லக்னோ:
மத்தியபிரேதச சட்டசபை தேர்தலில் சமாஜ்வாடி கட்சி தனித்து போட்டியிடும் என்று அந்த கட்சியின் தலைவர் அகிலேஷ் யாதவ் அறிவித்துள்ளார். இது காங்கிரசுக்கு பின்னடைவு ஆகும்.
ஏற்கனவே மத்திய பிரதேசத்தில் பகுஜன் சமாஜ் கட்சி தலைவர் மாயாவதி காங்கிரசுடன் கூட்டணி இல்லை என்று அறிவித்திருந்தார். தற்போது அகிலேஷ் யாதவும் காங்கிரசுடன் கூட்டணி இல்லாமல் தனித்து நிற்கிறார். #MadhyaPradeshelection #AkhileshYadav
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
